OINARRIAK

  • Talde bakoitza 6 dantzarik osatuko dute gutxienez.
  • Talde bakoitzak gehienez 8 minutuz luzatuko den koreografia bakarra aurkeztuko du, Fandango edo Arin-arin pausuak erabilita.
  • Dantzariak 14 urtetik gorakoak izan behar dute.
  • Lehiaketa ospatzeko 3 koreografia (3 talde) aurkeztuko dira gutxienez eta 10 gehienez. 10 baino gehiago agertuz gero, izen-emate ordena errespetatuko da parte hartuko duten koreografiak aukeratzeko. Koreografia bakarra edo pare bat soilik aurkeztuko balira, lehiaketa bertan behera geratuko litzateke eta talde horiek erakustaldian dantzatu ahal izango lituzkete euren obrak.
  • Dantzari berak ezin izango du koreografia bat baino gehiagotan parte hartu.
  • Aurreko ediziotan dantzatutako koreografia bat aurkeztea debekatuta dago.
  • Federatutako talderen batek lehiaketan baloratua izan nahi ez badu erakustaldiaren atalean eman beharko du izena.
  • Parte hartzeko: azaroak 1etik abenduak 1era, biak barne. Izen-emate orria osorik bete egin behar da eta adb@arabako.com helbidera bidali.
  • Epaimahaiak honakoak hartuko ditu kontuan: pausuak (0-10), erritmoa (0-10), koreografia (0-10), musika (0-5) eta janzkera (0-5).
  • Material ezberdinen erabilera (arkuak, makilak, etab.) debekatuta dago.
  • Koreografia Fandango eta Arin Arin musikarekin dantzatu behar da.
  • Musika formatua (cd, digitala edo zuzenekoa) ez da aintzat hartuko.
  • Emaitzetan berdinketa egonez gero, epaileek hartuko dute azken erabakia.
  • Talde mixtoak izan ala ez berdin puntuatuko dira.
  • Erakustaldian 2021-2021 ikasturtean Araban federatutako taldeek har dezakete parte soilik.
  • Araudi osoa ez betetzeak deskalifikazioa suposatuko du.
  • Antolatzaileek oinarriak aldatzeko eskubidea dute; sarrera ukatzeko eskubideaz gain.
  • Parte hartuko duten talde guztiek oinarri hauek onartu behar dituzte.
  • Epaimahaiaren erabakia apelaezina izango da.

SARIAK

1° 400,00€ irabazten duen koreografiarentzat, dantza materialetarako (jantziak, arkuak, alpargatak…).

2° 300,00€ bigarren postuan geratzen den koreografiarentzat, dantza materialetarako (jantziak, arkuak, alpargatak…).

3° 200,00€ hirugarren postuan geratzen den koreografiarentzat, dantza materialetarako (jantziak, arkuak, alpargatak…).

Irabazleek erositakoaren faktura aurkeztu beharko dute; honen data 2021ko abenduaren 31a baino lehenagokoa izanik. Baldintza hau ez betetzeak Arabako Dantzari Biltzarrak saria ez ordaintzea dakar. 

Federación de Danzas Vascas de Álava