ARABAKO IX. FANDANGO ETA ARIN ARIN KOREOGRAFIA TXAPELKETA

Pasaden urteko Fandango eta arin arin koreografia txapelketa burutu ez zenez, aurten txapelketa antolatzeari ekin diogu.

8 edizio ondoren, Fandango eta Arin- Arin koreografia txapelketa Vitoria- Gasteizen ospatuko da. Euskal Herri osoari zuzendutako txapelketa da, Euskal Dantzen munduan murgilduta dauden nibel handiko talde guztiei parte hartzeko aukera emanez.

Txapelketa hau abenduan ospatuko da urteari amaiera emateko nahiarekin eta beti bezala antzoki publiko itxi batean egingo da eguraldiaren menpe baikaude.

Ekitaldia bi zatitan banatzen da, alde batetik fandango eta arin- arin koreografia txapelketa egiten da eta ondoren, bigarren zatian Araba Dantzarien Biltzarreko taldeen dantza solteko erakusketa.

Aurten abenduaren 14an ospatuko da (larunbata) arratsaldeko 19.00etan Hegoalde gizarte etxeko “Jesus Ibáñez de Matauco” antzokian, Vitoria- Gasteizen.

Txapelketan izena emateko epea azaroaren 1etik abenduaren 1era izango da. Txapelketan parte hartu nahi duen talde orok galdetegia bere osotasunean bete behar izango du eta adb@arabako.com helbidera bidali.

ADURTZA BATUZ III

Urriaren 19an Adurtza Batuz dantza topaketaren hirugarren edizioa ospatuko dugu aurten ere Gasteizko kaleetan zehar.

Ekitaldian Beasaingo Ostadar Dantza Taldeak eta Gasteizko Jare eta Adurtza Dantza Taldeek hartuko dute parte.

Gurekin egun honetaz gozatzera gonbidatu nahi zaituztegu.

INFORMAZIO GEHIAGO

OLARIZU DANTZAN !

Irailaren 9an Olarizun erromeria ospatuko da.

Egun horretarako antolatuta dagoen egitarauaren barruan, Araba dantzarien biltzarrak antolatuta eta Gasteizeko udalaren parte- hartzearekin batera, ‘jantzi dantzan’ parte hartzeko gonbidapena luzatu nahi dizuegu.

Dakizuen bezala 18.15etan ospatzen den Dantza- plazan parte hartzean datza, iturrien alboan ospatuko dena (ikusi mapan), aitzinean bezala jantzita.

Jantzita joatera animatzen ez bazarete ere Dantza Plazan parte- hartzeko aukera duzue.

Olarizuko zelaietan ikusiko gara!!

MAPA

2019ko edizioaren egitaraua

Mugarrien ibilbidea 2019

EUSKO LABELEN ESKUTIK DASTATZEA

Gasteizko jaietako egitarau luzearen barnean, abuztuaren 9an gure Elkartearentzat interes berezia duen ekitaldi bat ospatuko da.

Ostiral horretan, arratsaldeko 19.00tatik aurrera, Gasteizko Udalak urtero antolatzen duen Eusko Label produktuen Dastaketa Solidarioa egongo da Foru Plazan.

Jardunaldi berezi hau ohikoa dugu gure jai egitarauan, non gastronomia eta elkartasuna bikain batzen diren.

Aurten, Arabako Dantzarien Biltzarrari luzatu dio Gasteizko Udalak gonbidapena, gogotsu eta esker onez onartu duguna.

Talde guztietako dantzariok pintxoen banaketan eta salmentan parte hartuko dugu. Irabazitako diru guztia Arabako Dantzarien Biltzarrari emango zaio.

Dastaketa Solidarioaren aurtengo edizioaren eskaintza gastronomikoa, berriz ere, oso erakargarria da: Eusko Label zigilua daramaten hegaluze pintxoak eta baserriko oilaskoarekin egindako hanburgesak. 2.000 pintxo saltzea dago aurreikusita, bakoitza 1,50€-tan.

Abuztuaren 9an espero zaituztegu!

GASTEIZKO JAIAK

 

 

Federación de Danzas Vascas de Álava