Eskolarteko dantza topaketarekin kurtso osoan zehar egindako lan gogorrari amaiera ematen zaio. Bai irakasleek bai umeek, Euskal Herriko kulturaren parte diren euskal dantzak, elkarrekin bizi ahal izateko lotura amankomuna bilatu behar dute. Hiru urte izatea ez da eragozpena Luzaideko dantza bat dantzatzeko, ezta sei urte izatea Gipuzkoako bat dantzatzeko, edota hamabi urte Nafarroko bat dantzatzeko ere.
Azken finean, hiru eta hamasei urte bitarteko arabako gazteak, gure folklorearen erakuskizun paregabea egiteko gai dira egun bakar batean, beraien barnean bizirik dagoen dantza kanporatu eta garrantzitsuena, beraien ikuspegitik ikusi eta egina; dantza alai, dibertigarri, bizi eta ikusgarria eskeiniz.