Apirilaren 12an, larunbata, Gorbeialdeko Dantzarien VIII. Topaketa ospatuko da Aramaion.
Gorbeialdea kuadrilako 5 dantza-talde elkartuko dira bertan: Zigoitiako Oketa-Alai dantza-taldea, Urkabustaizko Triskari dantza-taldea, Zuiako Bidabarri eta Zuiako Dantzariak dantza-taldeak, eta azkenik, Aramaioko Lagun-Artean dantza-taldea.
Ekitaldiaren aurretik herriko kaleetan zehar kalejira egingo dute, eta, ondoren, 17:30etan, ekitaldiari hasiera emango zaio.
Aurtengo ekitaldiaren gaia Arabako dantzak izango da, eta, beraz, Arabako herri desberdinetan jatorria duten dantzak dantzatuko dira.
