SALINAS DE AÑANA

DANTZAK

AÑANAKO DANTZAK.
Horrela ezagutzen da herri honen folklorea: “Encuentro de los estandartes”, “Quema de Judas”, “Danza de San Isidro”, “Jota de La Perra”, “Santa Águeda”, Ihauteria eta “El Pingajo” .
Maiatzaren 14an, San Isidro bezperan meza ostean “San Isidro” dantza egiten da (“La marcha de Judas”, dantza bera eta “Jota de la Perra”).

SAN ISIDRO

Dantza ikustean koreografia aipatu beharra dago. Bikoteek eskuak helduta eta arin-arin erritmoaz bikote baten beso azpitik pasa eta gero, zirkulu bat osatu arte dantzatzen dute. Orduan, korro honen erdian neska bat ipintzen da, mutilek musikak markatzen duen erritmoari jarraituz buru gainean txapela ipintzen diotelarik. Bitartean, honek ere dantza egiten du ekilibrio mantenduz, bukatzerakoan txapela guztiak airera botatzen dituen bitartean “gora” oihukatuz. Gero, bikoteak hasieran bezala jartzen dira arin-arin pausoa egiten.

JOTA DE LA PERRA

Normalean San Isidro eta gero dantzatzen den erritmo biziko eta alaia arin-arina da. Bikoteka eta bi zirkulu osatuz, mutilak barrukoan eta neskak kanpokoan, “vals” modukoa dantzatzen denean zirkulu bakar bat egiten dantzatzen da.